Տիագո Ալկանտարա

ԱՆՁՆԱԿԱՆ ՏՎՅԱԼՆԵՐ

• Անուն` Տիագո Ալկանտարա
• Դիրք` Կիսապաշտպան
• Ծննդավայր` Սան Պրիետո Վերնոտիկո, Բարի (Իտալիա)
• Ծննդյան ամսաթիվ` 11/04/1991
• Հասակ` 172
• Քաշ` 71
• Դեբյուտ` Մալյորկա - Բարսելոնա (Լա Լիգա), 17-05-2009

Տիագո Ալկանտարա

Ծնվելով իտալական Բարի քաղաքում, Տիագոն Բարսային միացավ 2005 թվականին, երբ 14 տարեկան էր: Այդ օրվանից ի վեր նա սկսեց աճել որպես ֆուտբոլիստ` խաղալով Բարսելոնայի երիտասարդական թիմերում:

Տիագոն, չնայած, որ ընդամենը 20 տարեկան է, մեծ փորձ ունի: Մեծ մասսամբ ի շնորհիվ իր հոր` Մազինյոյի, ով ժամանակին խաղացել է Բարսելոնայում: Ալկանտարայի ընտանիքը, լինելով Բրազիլիայում, Իտալիայում և Իսպանիայում, ի վերջո հանգրվանեց Գալիսիայում, որտեղ Տիագոն սկսեց խաղալ ՈՒրեկա դե Վիգոյում: Այդտեղ նրան անմիջապես նկատեցին մի շարք հանրաճանաչ ակումբներ: Արդյունքում, 2005 թվականին նա տեղափոխվեց Բարսա:

Կադետայում և Բարսելոնայի այլ երիտասարդական թիմերում կատարելագործվելու հետո` 2008/2009 մրցաշրջանում նա տեղափոխվեց Բարսա Բ: Առաջին մրցաշրջանում նա 25 խաղ անցկացրեց 2 -րդ թիմում, իսկ հաջորդ մրցաշրջանում` 18:

Առաջին թիմում նա իր պաշտոնական անդրանիկ հանդիպումն անցկացրեց 2009 թվականի մայիսի 17-ին Մալյորկայի դեմ, երբ ընդամենը 18 տարեկան էր: Տիագոն ցույց տվեց, որ չնայած իր երիտասարդ տարիքին, ի վիճակի է օգտակար լինել թե առաջին և թե 2-րդ թիմին: Այդ խաղում նա 74-րդ րոպեին փոխարինեց Էդյուր Գուդյոնսենին: Իր առաջին գնդակն առաջին թիմում Ալկանտարան հեղինակեց 2010 թվականի փետրվարի 10-ին Ռասինգի դեմ: Այդ խաղում կապտանռնագույնները Նոու Կամպում հաղթեցին 4-0 հաշվով: Բացի այդ խաղից, 2009/2010 մրցաշրջանում նա միայն 1 անգամ խաղադաշտ դուրս եկավ, այնել գավաթի խաղարկությունում:

2010/2011 մրցաշրջանում Տիագոն ավելի մեծ դեր էր խաղում Պեպ Գվարդիոլայի թիմում: Նա 17 անգամ խաղադաշտ դուրս եկավ, որից 12 - ը Լա Լիգայում (6-ը մեկնարկային կազմում): Այդ խաղերում նա 3 գոլ հեղինակեց Ալմերիայի (2) և Ռեալ Սոսյեդադի դարպասները: Նա, բացի Լա Լիգայից, խաղաց նաև Կոպա Դել Ռեայում և Չեմպիոնների լիգայում: Բացի այդ, Ալկանտարան օգնեց Լուիս Էնրիկեի թիմին գրանցել պատմության մեջ լավագույն արդյունքը (3-րդ հորիզոնականը Սեկունդայում):

2011/2012 մրցաշրջանում Տիագոն կլինի առաջին թիմի լիարժեք անդամ: Նա երկարաձգեց իր պայմանագիրը 2011 թվականի հունիսին: Այն կտևի մինչ 2015 թվականը:

ԲՆՈՒԹԱԳԻՐ

Տիագոն յուրահատուկ ֆուտբոլիստ է բնածին տաղանդով, որը նրան անկրնկնելի է դարձնում խաղադաշտում և առանձնացնում է բոլորից: Նա հիանալի կերպով ներխուժում է մրցակցի տուգանային հրապարակ, ստեղծում է ազատ տարածություններ խաղընկերների համար, լավ է տեսնում խաղադաշտը և տիրապետում է հրաշալի փոխանցումների ու հարվածների:

ՏԻՏՂՈՍՆԵՐ

ՖԱ Բարսելոնա
2012/13 Լա Լիգա
2011/12 Կոպա Դել Ռեյ
2011/12 Աշխարհի ակումբային գավաթ
2011/12 Եվրոպայի սուպերգավաթ
2011/12 Իսպանիայի սուպերգավաթ
2010/11 Չեմպիոնների լիգա
2010/11 Լա Լիգա
2010/11 Իսպանիայի սուպերգավաթ
2009/10 Լա Լիգա
2008/09 Լա Լիգա

Իսպանիա
2011 Եվրո Մ21 չեմպիոն
2008 Եվրո Մ17 չեմպիոն

ԿԱՐԻԵՐԱ

2011-12 ՖԱ Բարսելոնա
2010-11 Բարսելոնա Բ/Բարսելոնա
2009-10 Բարսելոնա Բ
2008-09 Բարսելոնա Բ
2007-08 Խուվենիլ Ա/Բարսելոնա Բ
2006-07 Կադետա Ա/Խուվենիլ Բ
2005-06 Կադետա Բ