Սեյդու Կեյտա

ԱՆՁՆԱԿԱՆ ՏՎՅԱԼՆԵՐ

• Անուն` Սեյդու Կեյտա
• Դիրք` Կիսապաշտպան
• Ծննդավայր` Բամակո (Մալի)
• Ծննդյան ամսաթիվ` 16/01/1980
• Հասակ` 183
• Քաշ` 77
• Դեբյուտ` Բարսելոնա–Ուիսլա (4-0, Չեմպիոնների լիգա), 13/08/2008

Սեյդու Կեյտա

Սեյդու Կեյտան Բարսելոնայի հետ պայմանագիր կնքեց 2007/2008 խաղաշրջանում: Մալիի ֆուտբոլիստը եկավ Սեվիլիայից` ամրապնդելու Բարսելոնայի կենտրոնը որպես կիսապաշտպան:

 

Սեյդու Կեյտան ծնվել է 1980 թվականի հունվարի 16-ին Բամակոյում (Մալի)` ֆուտբոլիստների ընտանիքում: Նրա հորեղբայրը` Խալիֆ Կեյտան, համարվում է Մալիի պատմության մեջ լավագույն ֆուտբոլիստներից մեկը, քանզի 1970 թվականին հաղթել է Աֆրիկայի ոսկե գնդակը: Իր զարմիկ Մահմադու Սիսոկոն նույնպես հայտնի ֆուտբոլիստ է:

 

Կեյտան իր կարիերան սկսել է Սենթրո Խալիֆ Կեյտայի հետ միասին Մալիի առաջին դիվիզիայում (մարզական ակումբ, որ ստեղծել էր իր հորեղբայրը խոստումնալից երիտասարդներին մարզելու համար), որտեղ նրան նկատեցին Մարսելի Օլիմպիկ թիմից: 17 տարեկանում նա հետևեց հորեղբոր քայլերին և պայմանագիր կնքեց ֆրանսիական ակումբի հետ:

 

3 տարի Սեյդու կեյտան անցկացրեց պահեստայինների թիմում, մինչև 1999 թվականի սեպտեմբերի 19-ին նա առաջին անգամ հանդես եկավ Տրուայի դեմ խաղի ժամանակ` փոխարինելով աստղ Կրիստոֆ Դյուգարին: Նա նաև իր առաջին խաղերը խաղաց Չեմպիոնների լիգայում: Մի քանի ամիս առաջ` ապրիլին, Կեյտան Նիգերիայում ճանաչվել էր լավագույն ֆուտբոլիստ մինչ 20 տարեկանների Աշխարհի գավաթի ժամանակ` առաջ անցնելով այնպիսի ֆուտբոլիստներից, ինչպիսիք են Ռոնալդինիոն և Լամպարդը: Մալիացին մասնակցեց կիսաեզրափակիչներին Իսպանիայի հավաքականի կողմից, որը առաջնորդում էր Խավին` գրավելով 3-րդ տեղը:

 

Խաղաշրջանի ավարտին Մարսելի մարզիչ Աբել Բրագան, որոշեց տեղափոխել նրան երկրորդ դիվիզիա Լորիենտի փոխարեն, ավելի շատ փորձ ձեռք բերելու համար: Կեյտան մասնակցեց լիգայի բոլոր 38 խաղերին և օգնեց, որ թիմն ուղեգիր նվաճի դեպի Լիգա 1: 2001/02 խաղաշրջանում Կեյտան հեռանում է Մալիի հավաքականից Նիգերիայում տեղի ունեցող Ազգերի աֆրիկյան գավաթին մասնակցելու համար և Լորիենտը հետ գնաց երկրորդ դիվիզիա: Կիսապաշտպանը Մալիի հետ գրավեց 4-րդ տեղը, մասնակցեց լիգայի 21 հանդիպումներին և օգնեց Լորիանին հաղթել Ֆրանսիայի գավաթը 2002 թվականին և հասնել մինչ Լիգայի գավաթի եզրափակիչ:

 

Լենսը, ով Լիգա 1-ում գրավեց 2-րդ տեղը և ցանկանում էր ամրապնդել թիմը Չեմպիոնների Լիգայից առաջ, 2002/03 խաղաշրջանում որոշեց ձեռք բերել Սեյդու Կեյտային: Նա բոլոր մրցակցություններում, ընդհանուր առմամբ, խաղաց 38 խաղ և խփեց 3 գոլ: Նրա խաղաոճը դրդեց Լենսին պայմանագիր կնքել Կեյտայի հետ, և հաջորդ 4 խաղաշրջանը Կեյտան անցկացրեց ակումբում: Նրա գերազանց խաղը նրան դարձրեց 2006/07 խաղաշրջանի Լիգա 1-ի երկրորդ լավագույն ֆուտբոլիստը Ֆլորան Մալուդայից հետո:

 

Այժմ արդեն աստղ Կեյտան 2007 թվականի ամռանը տեղափոխվեց Սեվիլիա Ֆրանսիայում 8 տարի անցկացնելուց հետո: Նա մասնակցեց Անդալուզիա ակումբի լիգայի 38 հանդիպումներից 31-ին, որոնցից 29-ը` մեկնարկային կազմում: Նա խփեց 4 գոլ, և ապացուցեց, որ ունակ է նշանակետին խփել նաև հեռու տարածությունից:

 

Սեվիլիայում 1 տարի անցկացնելուց հետո, նա դարձավ առաջինը, ում հետ Գուարդիոլան պայմանագիր կնքեց 2008 թվականի ամռանը: Կանոնավորման սկզբնական շրջանից հետո, նա սկսեց ավելի կարևոր տեղ զբաղեցնել ակումբի կազմում: Նա խաղաց 46 խաղ և խփեց 6 գոլ, որոնցից ոմանք բավականին տպավորիչ էին, ինչպես օրինակ, Ալիանս Արենայում Բայերն Մունիչի դեմ խփած գոլը: Նա ցույց տվեց, որ հուսալի կիսապաշտպան է Բարսելոնայի համար:

 

Ամբողջապես ադապտացվելով Բարսելոնայում և ձեռք բերելով ուրույն խաղաոճ` Սեյդու Կեյտան 2009/10 խաղաշրջանում կայուն տեղ զբաղեցրեց խաղադաշտում:

 

Նա Մալիի հավաքականի մշտական խաղացողներից է և ազգային թիմի աստղերից մեկը: Նա մասնակցել է Աֆրիկայի գավաթի խաղերին 2002, 2004 և 2008 թվականներին:

 

ԲՆՈՒԹԱԳԻՐ

 

Սեյդու Կեյտան այնպիսի խաղացող է, ով հիանալի կերպով համակցում է ֆիզիկական ուժը տեխնիկական ունակությունների և տակտիկական բանիմացության հետ: Չնայած նա առջևում հանդես չի գալիս`կարողանում է լավ հարվածներ հասցնել ձախ ոտքով` հատկապես հեռու տարածությունից, ինչը նրան իրական սպառնալիք է դարձնում դարպասապահների մոտ. այն 15 գոլերը, որը նա խփել էր 2 տարվա ընթացքում մինչ Բարսելոնային միանալը, դա էին ապացուցում: Մալիացին առաջարկելու շատ բան ունի` որպես կիսապաշտպան: Նա կարող է հանդես գալ բռնողի դերում, ինչպես նաև հարձակվողների հետին մասում և ձախ կիսադաշտում: Նրա հասակը ավելի արդյունավետ է դարձնում իր խաղը թե՛ պաշտպանությունում, թե՛ տուգանային հրապարակում:

 

ՏԻՏՂՈՍՆԵՐ

 

ՖԱ Բարսելոնա
2011/12 Աշխարհի ակումբային գավաթ
2011/12 Եվրոպայի սուպերգավաթ
2011/12 Իսպանիայի սուպերգավաթ
2010/11 Չեմպիոնների լիգա
2010/11 Լա Լիգա 

2010/11 Իսպանիայի սուպերգավաթ

2009/10 Լա Լիգա

2009/10 Աշխարհի Ակումբի գավաթ

2009/10 Եվրոպայի սուպերգավաթ

2009/10 Իսպանիայի սուպերգավաթ

2008/09 Չեմպիոնների լիգա

2008/09 Լա Լիգա

2008/09 Կոպա դել Ռեյ

 

Լորիենտ

2001/02 գավաթ

 

Անհատական մրցանակներ

1999 Մինչև 20 տարեկանների Աշխարհի գավաթի խաղարկության լավագույն խաղացող

 

ԿԱՐԻԵՐԱ

 

2011-12 ՖԱ Բարսելոնա
2010-11 ՖԱ Բարսելոնա

2009-10 ՖԱ Բարսելոնա

2008-09 ՖԱ Բարսելոնա

2007-08 Սեվիլիա

2006-07 Լենս

2005-06 Լենս

2004-05 Լենս

2003-04 Լենս

2002-03 Լենս

2001-02 ՖԱ Լորիենտ

2000-01 ՖԱ Լորիենտ

1999-00 Օլիմպիկ դե Մարսել