Խորդի Ալբա Ռամոս

ԱՆՁՆԱԿԱՆ ՏՎՅԱԼՆԵՐ

• Անուն` Խորդի Ալբա Ռամոս
• Դիրք` Պաշտպան
• Ծննդավայր` Հոսպիտալետ դե Լյոբրեգատ
• Ծննդյան ամսաթիվ` 21/03/1989
• Հասակ` 170
• Քաշ` 69
• Դեբյուտ` Բարսելոնա-Ռեալ Սոսյեդադ(5-1, Լա Լիգա) 19/08/2012

Խորդի Ալբա Ռամոս

Խորդի Ալբան Բարսելոնայի հետ պայմանագիր է կնքել 2012 թվականի հուլիսի 5 - ին այն բանից հետո, երբ ակումբը համաձայնության է եկել Վալենսիայի հետ: Կատալոնացի պաշտպանն իր հարազատ ակումբ է վերադարձել  23 տարեկան հասակում, դառնալով Բարսելոնայի առաջին տրանսֆերը 2012/2013 մրցաշրջանից առաջ:

Խորդի Ալբա Ռամոսը ծնվել է 1989 թվականի մարտի 21 - ին Հոսպիտալետ դե Լյոբրեգատում: 10 տարեկանում Բարսային միանալուց հետո նա հանդես է եկել տարիքային տարբեր խմբերում, խաղալով Բոյան Կրկիչի, Ֆրան Մերիդայի և Դոս Սանտոսի հետ:

2007 թվականին նա հեռացավ Բարսելոնայից, միանալով Կորնելյային, որտեղ անցկացրեց 1 մրցաշրջան, մինչ Վալենսիա տեղափոխվելը, որը 6 000 եվրո վճարեց նրա համար: Սկզբում նա խաղում էր երիտասարդական թիմում, իսկ այնուհետև փոխադրվեց Վալենսիայի առաջին թիմ, որտեղ դարձավ առանցքային խաղացողներից մեկը: Այդ ընթացքում նա նաև հրավիրվեց Իսպանիայի մինչև 19 տարեկանների հավաքական:

2008/2009 մրցաշրջանը նա վարձավճարով անցկացրեց Խիմնաստիկում, անցկացնելով 30 հանդիպում Սեկունդայում: Նա հրավիրվեց Իսպանիայի մինչև 21 տարեկանների հավաքական, ինչպես նաև խաղաց Եգիպտոսում կայացած մինչև 20 տարեկանների Աշխարհի առաջնությունում: Դրանից հետո նա վերադարձավ Վալենսիայի առաջին թիմ:

Նա իր նորամուտը Վալենսիայի առաջին թիմում նշեց 2009 թվականի սեպտեմբերի 13 - ին, խաղալով Ռեալ Վալյադոլիդի հետ: Չնայած նրա դիրքը պաշտպանության ձախ եզրն էր, նա դրսևորում էր իր ունիվերսալությունը, խաղալով տարբեր դիրքերում: Բարսա գալուց առաջ նա Վալենսիայում 108 խաղ է անցկացրել, որոնցից 48 - ը 2011/2012 մրցաշրջանում:

Վալենսիայում ունեցած հաջող ելույթների շնորհիվ նա 2011 թվականի սեպտեմբերին հրավերք ստացավ Իսպանիայի ազգային հավաքականի գլխավոր մարզիչ Վիսենտե դել Բոսկեի կողմից և իր նորամուտը կարմիր ֆուրիայի կազմում նշեց 2011 թվականի հոկտեմբերի 11 - ին Շոտլանդիայի դեմ խաղում: Նա մասնակցեց Եվրո 2012 - ին, դառնալով մրցաշարի լավագույն խաղացողներից մեկը: 2012 թվականի հուլիսի 5 - ին նա պաշտոնապես ներկայացվեց որպես Տիտո Վիլանովայի Բարսելոնայի առաջին ձեռքբերում:

ԲՆՈՒԹԱԳԻՐ

Ալբան արագ և հմուտ խաղացող է, ով օգտագործում է իր արագությունն ու առաջ ընթանալու կարողությունը: Նրա ունիվերսալությունը մարզիչներին թույլ է տալիս Խորդիին օգտագործել տարբեր դիրքերում, այդ թվում հարձակման գծում: Նա հիանալի է պատրաստված տեխնիկապես, ուժեղ է նրա ձախ ոտքը, որն օգտագործում է գնդակը պահելու ու պաշտպանությունից դուրս գալու համար: Նրա հասակը 170 սմ է, բայց նա շատ համարձակ ու տպավորիչ խաղացող է, ով օգտագործում է իր արագությունը խաղադաշտի 2 ծայրերում էլ:

ՏԻՏՂՈՍՆԵՐ

ՖԱ Բարսելոնա
2012/13 Լա Լիգա

Իսպանիա
2012 Եվրոպայի չեմպիոն

ԿԱՐԻԵՐԱ

2012-13 Բարսելոնա
2011-12 Վալենսիա
2010-11 Վալենսիա
2009-10 Վալենսիա
2008-09 Խիմնաստիկ (վարձավճարով)
2007-08 Վալենսիա Բ
2007 Կորնելյա