Իսաակ Կուենկա Լոպեզ
ԱՆՁՆԱԿԱՆ ՏՎՅԱԼՆԵՐ
- Անուն` Իսաակ Կուենկա Լոպեզ
- Դիրք` Հարձակվող
- Ծննդավայր` Ռեուս (Բարսելոնա)
- Ծննդյան ամսաթիվ` 27/04/1991
- Հասակ` 181
- Քաշ` 74
- Դեբյուտ` Բարսելոնա-Վիկտորիա Պլզեն(2-0, Չեմպիոնների լիգա), 19/10/2011
Իսաակ Կուենկա Լոպեզ
Տեղափոխվելով Բարսելոնա, Իսաակ Կուենկան ստիպված էր շատ աշխատել, որպեսզի հասնի բարձունքների: Բանն այն է, որ նա հասավ մինչ Կադետա Բ, ինչից հետո լքեց ակումբը 3 տարով: Վերադարձից հետո Կուենկան ընդգրկվեց Խուվենիլ Ա - ում և 2010/2011 մրցաշրջանում պետք է խաղար Բարսելոնա Բ - ում, սակայն վարձավճարով գնաց Սաբադել:
2011 թվականի ամռանը Կուենկան կրկին վերադարձավ Բարսելոնա, որպեսզի խաղա 2 - րդ թիմում, բայց Գվարդիոլան ուշադիր հետևում էր նրան և հրավիրեց միջմրցաշրջանային հատվածին: Պարբերաբար Պեպը նրան հրավիրում էր նաև առաջին թիմի մարզումներին և ի վերջո` 2011 թվականի հոկտեմբերի 19 - ին, Բարսելոնա 2 - 0 Վիկտորիա Պլզեն խաղում Կուենկան փոխարինեց Վիլյային` նշելով իր նորամուտն առաջին թիմում:
Հետագայում նա դարձավ մրցաշրջանի բացահայտումներից մեկը: Ցուցադրելով մարտավարական խիստ կարգապահություն, Կուենկան հանդես եկավ եզրում ու արդարացրեց սպասելիքները: Շուտով բոլորը սկսեցին հիանալ եզրից կատարած նրա ճշգրիտ փոխանցումներով և գոլային հոտառությամբ: Լա Լիգայում անցկացրած իր 2 - րդ խաղում Իսաակ խփեց իր առաջին գնդակը Բարսայի կազմում:
Կուենկան շատ արագ հարմարվեց առաջին թիմին և աստիճանաբար ավելի նկատելի դեր սկսեց խաղալ ոչ միայն մարզումների, այլև խաղերի ժամանակ: Արդյունքում, 2011 թվականի հունվարի 31 - ին Իսաակը երկարաձգեց պայմանագիրն ու փոխադրվեց առաջին թիմ:
ԲՆՈՒԹԱԳԻՐ
Կուենկան սովորաբար գործում է եզրերում` աջ կամ ձախ: Պատանեկան տարիքում նա խաղում էր ենթահարձակվողի դիրքում և միայն 18 տարեկանից Իսաակը սկսեց հանդես գալ հարձակման եզրում: Դա բացատրվում է նրանով, որ նա սուր փոխանցումներ էր կատարում դեպի տուգանային հրապարակ` օգտագործելով 2 ոտքերը:
Իսաակ Կուենկան շատ գրագետ է տակտիկապես: Նա կարող է մրցակցին անհարմար իրավիճակի մեջ դնել` կատարելով վճռորոշ փոխանցումներ: Նա շատ կարգապահ է, ժլատ չէ փոխանցումներ կատարելու հարցում և լավ է տեսնում դաշտը: Նա լավ է օգտագործում ազատ տարածություններն ու տիրապետում է դիպուկ հարվածների:
ՏԻՏՂՈՍՆԵՐ
Բարսելոնա
2011/2012 Իսպանիայի սուպերգավաթ
2011/2012 ՈՒԵՖԱ - ի սուպերգավաթ
2011/2012 Աշխարհի ակումբային գավաթ
ԿԱՐԻԵՐԱ
2011-2012 Բարսելոնա Բ/Բարսելոնա
2010-2011 Սաբադել
2009-2010 Խուվենիլ Ա
2008-2009 Ռեուս (Խուվենիլ)
2007-2008 Ռեուս (Խուվենիլ)
2006-2007 Դամմ (Կադետա Ա)
2005-2006 Կադետա Բ
2004-2005 Ինֆանտիլ Ա
2003-2004 Ինֆանտիլ Բ
