Ալեքսիս Ալեխանդրո Սանչեզ

Ալեքսիս Ալեխանդրո Սանչեզ

ԱՆՁՆԱԿԱՆ ՏՎՅԱԼՆԵՐ

  • Անուն` Ալեքսիս Ալեխանդրո Սանչեզ
  • Դիրք` Հարձակվող
  • Ծննդավայր` Տոկոպիլյա (Չիլի)
  • Ծննդյան ամսաթիվ` 19/12/1988
  • Հասակ` 169
  • Քաշ` 70
  • Դեբյուտ` Ռեալ Մադրիդ - Բարսելոնա (2 - 2, Իսպանիայի սուպերգավաթ), 14/08/2011

Ալեքսիս Ալեխանդրո Սանչեզ


Ալեքսիս Սանչեզը Բարսելոնայի ֆուտբոլիստ դարձավ 2011 թվականի հուլիսի 21 - ին, երբ պաշտոնապես ՈՒդինեզեից տեղափոխվեց կատալոնյան թիմ: Նա այդ ժամանակ 22 տարեկան էր և հանդիսանում է Բարսայի առաջին ձեռքբերումը 2011/2012 մրցաշրջանում:

Ալեքսիսը լույս աշխարհ է եկել 1988 թվականի դեկտեմբերի 19 - ին չիլիական Տոկոպիլյա քաղաքում: Իր առաջին պրոֆեսիոնալ պայմանագիրը նա կնքեց Չիլիի Կաբրելոայի հետ ընդամենը 15 տարեկանում, սակայն իր նորամուտը նշեց 2005 թվականի փետրվարի 12 ին` 16 տարեկան հասակում: Իր առաջին իսկ մրցաշրջանում նա մասնակցեց 38 հանդիպման և 3 գոլ հեղինակեց: 2006 թվականի հուլիսին Սանչեզին գնեց ՈՒդինեզեն և վարձավճարով տրամադրեց չիլիական մեկ այլ թիմի` Կոլո Կոլոյին: Այնտեղ նա 48 խաղ անցկացրեց և դարձավ 9 գոլի հեղինակ: Հաջորդ տարի իտալական ակումբը չիլիացուն կրկին վարձավճարով հանձնեց այլ ակումբի: Այս անգամ Ալեքսիսը խաղաց արգենտինական Ռիվեր Փլեյթում, որտեղ մասնակցեց 31 հանդիպման և հիանալի տպավորություն թողեց:

Այդպիսով, 2008/2009 մրցաշրջանում ՈՒդինեզեն որոշեց 19 ամյա Սանչեզին բերել առաջին թիմ: Նրան մի քանի ամիս պահանջվեց, որպեսզի հարմարվի Եվրոպայի կյանքին: Իտալական ակումբում շուտով հասկացան, որ շատ ճիշտ ընտրություն են կատարել: Նա ընդհանուր առմամբ 43 հանդիպում անցկացրեց և 3 գոլ խփեց: 2009/2010 - ում նրան ավելի շատ էին վստահում, չնայած, որ մասնակցեց միայն 36 խաղի: Բայց դա կապված էր վնասվածքների ու թիմի հանդիպումների սակավության հետ: Արդյունում, Սանչեզը 6 գոլ հեղինակեց:

Նա իր ողջ տաղանդը ցույց տվեց 2010/2011 թվականների մրցաշրջանում: Նա Ա Սերիայում մասնակցեց 31 հանդիպման, խփեց 12 գոլ ու ճանաչվեց մրցաշրջանի լավագույն ֆուտբոլիստ: Նա աչքի ընկավ նաև իր գոլային փոխանցումներով: Ալեքսիսով սկսեցին հետաքրքրվել եվրոպական մի շարք գրանդ ակումբներ, բայց ի վերջո չիլիացին ընտրեց Բարսան:

ԲՆՈՒԹԱԳԻՐ

Նա կարող է խաղալ հարձակման յուրաքանչյուր դիրքում, չնայած, որ նախընտրում է աջ եզրը: Արագությունը նրա գլխավոր զենքն է: Նա հեշտությամբ կարողանում է ազատվել պաշտպանների հսկողությունից և գնդակն ուղղարկել տուգանային հրապարակ: Նա նաև սիրում է ազատ տարածություն ստեղծել իր համար կենտրոնում ու հեռահար հարված կատարել: Նա առանձնահատուկ խաղացող է և իսկական ռմբարկու: Ալեքսիսն անկասկած համապատասխանում է կատալոնյան թիմի խաղաոճին: Ճիշտ է, չիլիացին հարձակվող է, բայց հաճախ նահանջում է և օգնում է պաշտպաններին, քանզի գիտակցում է յուրաքանչյուր կորցրած գնդակի արժեքը:

ՏԻՏՂՈՍՆԵՐ

ՖԱ Բարսելոնա
2012/13 Լա Լիգա
2011/12 Կոպա Դել Ռեյ
2011/12 Աշխարհի ակումբային գավաթ
2011/12 Եվրոպայի սուպերգավաթ
2011/12 Իսպանիայի սուպերգավաթ

Ռիվեր Փլեյթ
2008 Արգենտինայի առաջնություն

Կոլո Կոլո
2007 Չիլիի առաջնություն
2006 Չիլիի առաջնություն

Անհատական մրցանակներ
2011 Ա Սերիայի լավագույն ֆուտբոլիստ

ԿԱՐԻԵՐԱ

2011-12 ՖԱ Բարսելոնա
2010-11 ՈՒդինեզե
2009-10 ՈՒդինեզե
2008-09 ՈՒդինեզե
2007-08 Ռիվեր Փլեյթ
2007 Կոլո Կոլո
2006 Կաբրելոա / Կոլո Կոլո
2005 Կաբրելոա

Բարսելոնա
Բարսելոնա

Բարսային պետք են....

Եթե ուզում եք քվեարկել կատարեք մուտք կամ գրանցվեք

Լա Լիգա

1 Բարսելոնա 91
2 Ռեալ Մադրիդ 81
3 Ատլետիկո Մադրիդ 72
4 Ռեալ Սոսյեդադ 59
5 Վալենսիա 59
6 Մալագա 54
7 Ռեալ Բետիս 52
8 Սևիլյա 47
9 Խետաֆե 47
10 Ռայո Վալեկանո 46
11 Էսպանյոլ 44
12 Ռեալ Վալյադոլիդ 43
13 Լևանտե 42
14 Ատլետիկ Բիլբաո 41
15 Օսասունա 36
16 Գրանադա 36
17 Ռեալ Սարագոսա 34
18 Դեպորտիվո Լա Կորունյա 32
19 Սելտա դե Վիգո 31
20 Ռեալ Մալյորկա 29
Դեպի Էջի սկիզբ