Վիսենտե դել Բոսկեն վիճակագրության դեմ (1541) < Վերադառնալ
Վիսենտե դել Բոսկեն վիճակագրության դեմ (23/06/2012)
Շատերն Իսպանիայի հավաքականին համարում են Եվրո 2012 - ի գլխավոր ֆավորիտը և հույս ունեն, որ իսպանացիները 3 - րդ անընդմեջ խոշոր մրցաշարում չեմպիոն կհռչակվեն ու իրենց անունը կգրեն պատմության մեջ: Բայց Դել Բոսկեն հիշեցնում է, որ մինչ այդ էլ իր սաները պետք է պատմություն կերտեն:
Բանն այն է, որ իսպանացիները դեռ երբեք չեն հաղթել Ֆրանսիայի հավաքականին պաշտոնական խաղերում: Վերջին պարտությունն էլ եղել է Մունդիալ 2006 - ում: Դրանից հետո Իսպանիան կարծես կատաղեց ու նվաճեց ֆուտբոլային հնարավոր բոլոր գագաթները:
"Բոլորը մեզ տեսնում են ֆավորիտի կարգավիճակում, քանի որ 4 տարի առաջ մենք հաղթել ենք Եվրոպայի առաջնությունը, իսկ 2 տարի առաջ` Աշխարհի առաջնությունը: Սակայն մյուս ճշմարտությունն այն է, որ մենք ֆրանսիացիներին միշտ զիջել ենք: Տեսնենք, թե արդյոք կկարողանանք կոտրել վիճակագրությունը: Ամեն դեպքում խաղին մոտենում ենք զուսպ տրամադրվածությամբ, բայց լավատեսորեն", - ասել է Դել Բոսկեն:
Որքան էլ Դել Բոսկեն փորձի համեստ լինել, իր թիմի գրանցած արդյունքներն ու հեղինակությունն ինքնաբերաբար Իսպանիային ֆավորիտ են դարձնում ցանկացած մրցաշարում: Նա նշել է, որ գրեթե որոշել է մեկնարկային կազմը: Միակ հարցը վերաբերվում է հարձակման գծին, որտեղ թեկնածուները 2 - ն են` ավելի հետ քաշված Ֆաբրեգասը և դասական կենտրոնական հարձակվող Տորեսը:
"Իմ տրամադրության տակ արտակարգ խաղացողներ են և առաջադրանքներն ամեն խաղում տարբեր են լինում: Ես ունեմ 23 բարձրակարգ խաղացողներ ու ոչ մի կերպ նրանց չեմ կարող միանգամից խաղաժամանակ տալ, հենց այդ պատճառով էլ ես կասկածներ եմ ունենում", - խոստովանել է կարմիր ֆուրիայի մարզիչը:
Ֆրանսիայի հավաքականի գլխավոր մարզիչ Լորան Բլանը չունի նման աստղային խաղացողներ, բայց դա նրան չի վախեցնում: Մեքսեսը որակազրկված է, փոխարենը շարք է վերադարձել Յոհան Կաբայը: Բացի այդ, թեթև վնասվածքներից լիովին ապաքինվել են Նասրին ու Ռիբերին: Ինչ վերաբերում է Մեքսեսի խնդրին, ապա նրա փոխարեն կխաղա Կոսելնին, ով կանցկացնի իր առաջին պաշտոնական խաղը Ֆրանսիայի հավաքականում:
"Սովորաբար ես ասում եմ, որ մրցակցի խաղին պետք է հնարավորինս քիչ հարմարվել: Պետք է խաղալ քո ֆուտբոլը: Բայց մեզ հետ մրցելու է Իսպանիայի հավաքականը, որը խաղում է շատ յուրահատուկ ոճով: Մրցակցի խաղին հարմարվելու հարկ է լինում այն պահերին, երբ գնդակը մրցակցի մոտ է: Իսկ նման խաղին, երբ մրցակիցը երկար տիրում է գնդակին, հեշտ չէ հարմարվել: Իսպանացիները վերահսկում են գնդակը ժամանակի 65 - 70% - ն ու չեն ցանկանում բաժանվել գնդակից: Խաղի մնացած հատվածում, երբ գնդակին դու ես տիրում, անհրաժեշտ է փորձել ինչ - որ բան դուրս բերել սեփական ֆուտբոլից և խաղային փիլիսոփայությունից", - հայտարարել է Ֆրանսիայի հավաքականի գլխավոր մարզիչը:
"Ինչպես մենք գիտենք, Իսպանիայի հավաքականը խաղում է իր յուրահատուկ ոճով ու իշխում է համաշխարհային ֆուտբոլում վերջին 4 տարիների ընթացքում: Սակայն իսպանացիների համար խնդիրներ ստեղծելու ձևեր գոյություն ունեն: Եթե դու պաշտպանվում ես Իսպանիայի հետ խաղում, պետք է շատ հավաք գործել: Առաջին 20 - 30 րոպեներին պետք է ցույց տալ, որ դու հետ չես մնում խաղից: Դրանից հետո հաջողության հասնելու հնարավորություն կստանաս: Առաջին հերթին պետք է հետևել իմ նշած դրույթներին, այլապես մեզ կարող են պատժել", - նշել է Բլանը:
Շատ երկրպագուներ կարծում են, որ Ֆրանսիան որդեգրելու է Չելսիի մարտավարությունը, որով ազնվականները խաղացին Բարսելոնայի դեմ, սակայն այդ կարծիքին չէ Դել Բոսկեն. "Չեմ հավատում, որ ֆրանսիացիները կփակվեն իրենց կիսադաշտում: Նրանք ունեն խաղացողներ, ովքեր ի վիճակի են խաղն իրենց վրա վերցնել: Չեմ կարծում, որ նրանք միայն սպասելու են մեր սխալներին":
Աղբյուր` uefa.com
sammes, barca.am
Մեկնաբանություններ
Եթե ուզում եք թողնել մեկնաբանություն
Չեմ հետեւում Լեհաստանում եւ Ուկրաինայում ընթացող Եվրո-2012-ին, բայց երկրպագում եմ Իսպանիայի թիմին, հայտարարել է Արգենտինայի ազգային հավաքականի եւ կատալոնական Բարսելոնայի հարձակվող Լիոնել Մեսին:
Պետք է խոստովանեմ, որ չեմ հետեւում Եվրոպայի առաջնության հանդիպումներին, սակայն ես երկրպագում եմ Իսպանիայի հավաքականին: Այդ թիմում հանդես են գալիս իմ ակումբակիցները: Նրանք աներեւակայելի ֆուտբոլիստներ են եւ իզուր չէ, որ Իսպանիայի հավաքականը մրցաշարի հաղթողի գլխավոր հավակնորդն է,- Մեսիի խոսքը փոխանցում է Marca-ն:
Allemagne-Gréce
Espagnol-France
Italy-Angleterre
Portugal-Espagnol
Allemagne-Angleterre
Portugal-Angleterre
Portugal-Espagnol
Allemagne-Angleterre
final-Portugal-Angleterre