Ինչպես հաղորդում է իսպանական Sport - ը, Ադրիանոն առաջիկա օրերին կտեղափոխվի Հռոմի Լացիո:
Լացիոն և Բարսելոնան ի վերջո համաձայնության են եկել: Հռոմեական ակումբը ցանկանում էր Ադրիանոյի ձեռք բերել անվճար և բրազիլիացի ֆուտբոլիստը խնդրել էր ակումբին իրեն ազատ խաղացողի կարգավիճակ շնորհել, սակայն մերժում էր ստացել:
Բարսելոնան Ադրիանոյի դիմաց պահանջում էր 2 մլն եվրոյին մոտ գումար, որը Լացիոն հրաժարվում էր վճարել մինչև կատալոնական ակումբի ֆուտբոլային տնօրեն Ռաուլ Սանլյեհիի և ֆուտբոլիստի հանդիպումը Սան Պաուլոյում: Այդ հանդիպումից հետո բրազիլիացին հանդիպել է Լացիոյի ներկայացուցիչներին և համոզել հռոմեական ակումբին 1,5 - ից 1,8 մլն եվրո վճարել:
Եթե արտառոց ոչինչ տեղի չունենա, ապա առաջիկա օրերին Ադրիանոն կտեղափոխվի Լացիո, ինչը կնշանակի, որ Բարսային ևս մեկ պաշտպան է հարկավոր: Այս պահին շրջանառվում են ՊՍԺ - ի ձախ պաշտպան Լուկա Դինյեի և Լաս Պալմասի կենտրոնական պաշտպան Մաուրիսիո Լեմոսի անունները: Վերջինիս ձեռքբերման դեպքում Ժերեմի Մաթյոն կտեղափոխվի ձախ եզր: