Օլիմպիակոսի դեմ խաղում Բարսելոնան բավական երկար ժամանակով կորցրեց 2 խաղացողների: Վնասվածք են ստացել Ռոբերտոն և Գոմեշը:
Ինչպես հաղորդում է Բարսելոնայի պաշտոնական կայքը, Սերխի Ռոբերտոն, ով ստիպված էր առաջին կեսի վերջում խաղադաշտում իր տեղը զիջել Դեուլոֆեուին, վնասել է աջ ոտքի ազդրի մկանը, ինչի հետևանքով նախնական տվյալներով բաց կթողնի 5 շաբաթ:
Անդրե Գոմեշն էլ խաղի ավարտից հետո բուժզննում է անցել և պարզվել է, որ նա նույնպես վնասել է ազդրի մկանը: Նրա վնասվածքն ավելի թեթև է և պորտուգալացին բաց կթողնի 3 - ից 4 շաբաթ: Այդպիսով, նրանք այս ամիս այլևս դաշտ դուրս չեն գա Բարսայի կազմում:
Վալվերդեն նրանցից զրկվում է բավական անհարմար պահի: Գոմեշն ու Ռոբերտոն վնասվածքների պատճառով բաց կթողնեն Սևիլյայի, Լեգանեսի, Յուվենտուսի, Վալենսիայի և Մուրսիայի հետ հանդիպումները: Հնարավոր է, որ չխաղան նաև Սելտայի դեմ: