Ինչպես հաղորդում է իսպանական Sport - ը, որպես աղբյուր նշելով պորտուգալական A Bola - ն, Ժերեմի Մաթյոն բուժզննում է անցնում Սպորտինգում:
Մաթյոն գտնվում է Լիսաբոնում, որտեղ բուժզննում է անցնում տեղի Սպորտինգի հետ պայմանագիր կնքելու համար: Պորտուգալական ակումբը մտադիր է հնարավորինս շուտ պայմանագիր կնքել, որպեսզի ֆրանսիացին կարողանա մասնակցել թիմի մինչմրցաշրջանային խաղերին:
Sport - ի հավաստմամբ, Մաթյոն, ում տրանսֆերը Բարսելոնան Վալենսիայից գնել էր 20 մլն եվրոյով, Սպորտինգ կտեղափոխվի առանց որևէ փոխհատուցման: Այս կերպ կատալոնական ակումբը փորձում է հնարավորինս արագ ազատվել Ժերեմիին վճարվող աշխատավարձից, որը բավական բարձր է պահեստային ֆուտբոլիստի համար:
Մաթյոյի փոխարեն Էրնեստո Վալվերդեի տրամադրության տակ կլինի Մարլոնը: Եթե Բարսա Բ - ին հաջողվի բարձրանալ իսպանական 2 - րդ դիվիզիոն, ապա բրազիլիացին ամենայն հավանականությամբ կմնա 2 - րդ թիմում, որպեսզի համատեղի իր ելույթներն առաջին և 2 - րդ թիմերում, հակառակ դեպքում Մարլոնը կդառնա առաջին թիմի լիարժեք ֆուտբոլիստ:
