Այսօր ավարտվում է Բարսելոնայի և Qatar Sports Investments - ի (QSI) միջև 2010 թվականին կնքված պայմանագրի ժամկետը:
Qatar Airways - ը վաղվանից կդադարի հանդիսանալ Բարսելոնայի հովանավորը: Քաթարյան ավիաուղիների հետ կատալոնական ակումբը համագործակցեց 3 տարի` սկսած 2013/14 մրցաշրջանից:
Այդ 3 տարիների ընթացքում Բարսելոնան Qatar Airways - ից ստացել է 101 մլն եվրո, որից 30,5 - ը` 2013/14 մրցաշրջանում, 32 - ը` 2014/15 մրցաշրջանում, 33,5 - ը` 2015/16 մրցաշրջանում, ինչպես նաև 5 մլն եվրո` Չեմպիոնների լիգան հաղթելու համար:
Այս պահին ակումբը հովանավորչական նոր պայմանագրի շուրջ բանակցում է ամերիկյան և ասիական 2 ընկերությունների հետ, որոնց անունները չի նշվում: Բարսան նախատեսում է նոր հովանավորչական պայմանագրի շնորհիվ տարեկան 60 - ից 65 մլն եվրո ստանալ:
Չի բացառվում, որ այսօր` ֆինանսական տարվա ամփոփման ժամանակ, ակումբի նախագահ Խոսեպ Մարիա Բարտոմեուն կհրապարակի նոր հովանավորի անունը կամ գոնե որոշ մանրամասներ կհայտնի:
Աղբյուր` mundodeportivo.com
