Բարսելոնան կրկին մարզում է անցկացրել Սյուտատ Էսպորտիվա մարզաբազայում: Եվս 10 խաղացողներ վերադարձել են արձակուրդից:
Ակումբի պատվիրակությունը Դուբլինից վերադարձել է Բարսելոնա, իսկ այսօր առավոտյան թիմը մարզում է անցկացրել Սյուտատ Էսպորտիվա մարզաբազայում: Տեր Շտեգենը, Բրավոն, Ալբան, Մասկերանոն, Պիկեն, Վերմալենը, Դուգլասը, Բուսկետսը, Ռակիտիչը և Ինիեստան վերադարձել են արձակուրդից և միացել թիմին:
Այդուհանդերձ Լուիս Էնրիկեն Բարսելոնա Բ - ից մարզմանը հրավիրել է 12 խաղացողների՝ Խոսեպ Մարտինեսին, Գումբաուին, Լոպեսին, Խոսե Սուարեզին, Ալենյային, Կամարային, Մուխիկային, Կարբոնելին, Նիլիին, Մարտինեսին, Ալֆարոյին ու Մարլոնին:
Հիշեցնենք, որ այս շաբաթ Բարսելոնան 2 ընկերականում հանդիպում է անցկացնելու Լեսթեր Սիթիի (օգոստոսի 3 - ին՝ Երևանի ժամանակով 22:00 - ին) և Լիվերպուլի (օգոստոսի 6 - ին՝ Երևանի ժամանակով 20:15 - ին) հետ:
