Ինչպես հաղորդում է Mundo Deportivo - ն, որպես աղբյուր նշելով թուրքական Sozcu պարբերականը, Ադրիանոն տեղափոխվում է Բեշիկթաշ:
Բեշիկթաշն Ադրիանոյի դիմաց Բարսելոնային կվճարի ընդամենը 800 հազար եվրո, չնայած, որ կատալոնական ակումբը 2 մլն եվրո էր պահանջում: Բրազիլիացին 3 - ամյա պայմանագիր կկնքի և տարեկան կստանա 2,4 մլն եվրո աշխատավարձ:
Նույն աղբյուրի համաձայն, չնայած Ադրիանոն ընդգրկվել է Անգլիա մեկնողների ցանկում, նա այսօր մեկնել է Ստամբուլ և սպասում է Բեշիկթաշի հետ պայմանագիրը ստորագրելուն: Նշենք, որ Բեշիկթաշը հետաքրքրված է նաև Ժերեմի Մաթյոյի ծառայություններով:
