Ինչպես հաղորդում է Mundo Deportivo - ն, ՈՒԵՖԱ - ն հրապարակել է այն 10 խաղացողների անունները, ովքեր հավակնում են Եվրոպայի լավագույն ֆուտբոլիստի կոչմանը:
Օգոստոսի 25 - ին՝ Մոնտե Կառլոյում կայանալիք Չեմպիոնների լիգայի վիճակահանության ժամանակ, հայտնի կդառնա ՈՒԵՖԱ - ի վարկածով Եվրոպայի լավագույն ֆուտբոլիստը: Այս պահին հայտնի են հավակնորդները:
Հատկանշական է, որ հավակնորդների ցանկում չեն Ինիեստան և Նեյմարը: Ամենաշատ ներկայացուցիչներն ունի Մադրիդի Ռեալը (4), Բարսելոնան և Բավարիան ունեն 2 - ական ներկայացուցիչ, իսկ Ատլետիկո Մադրիդն ու Յուվենտուսը՝ 1 - ական:
ՈՒԵՖԱ - ի մեջ մտնող ֆեդերացիաներից յուրաքանչյուրից մեկ լրագրող ներկայացրել է իր 5 - յակը: Առաջին տեղում գտնվողին տրվել է 5 միավոր, 2 - րդում գտնվողին՝ 4, և այդպես շարունակ: Այդպես կազմվել է 10 հոգանոց հավակնորդների ցուցակը:
ՈՒԵՖԱ - ի Եվրոպայի լավագույն ֆուտբոլիստի կոչման հավակնորդներն են Քրիստիանո Ռոնալդոն, Գարեթ Բեյլը, Տոնի Կրոսը, Կլեբեր Պեպեն (Ռեալ Մադրիդ), Լիոնել Մեսսին, Լուիս Սուարեզը (Բարսելոնա), Մանուել Նոյերը, Թոմաս Մյուլլերը (Բավարիա), Անտուան Գրիզմանը (Ատլետիկո Մադրիդ) և Ջանլուիջի Բուֆոնը (Յուվենտուս):
